17.03.2026 | 17:25
Դատավորը հաղթել է դատարանում․ Կարինե Դավթյանը կստանա իր աշխատավարձի 60%-ի չափով հավելում
Թուրքիան մտադիր է խոշոր ցամաքային գործողություն իրականացնել Իրաքում
Քաղաքականություն
07.03.2024 | 13:04
Թուրքիայի զինված ուժերը ծրագրում են լայնածավալ ցամաքային ռազմական գործողություն իրականացնել Հյուսիսային Իրաքում՝ երկրում արգելված Քուրդիստանի աշխատավորական կուսակցության (PKK) զինյալների դեմ, գրում է Hürriyet-ը։
«Առաջին հերթին լայնածավալ ցամաքային գործողություն կիրականացվի այն տարածաշրջանում, որտեղ իրականացվել է «Ճանկ-փական» գործողությունը: Գործողությունից առաջ պայմանավորվածություն է ձեռք բերվել Իրաքի կենտրոնական վարչակազմի և Էրբիլի վարչակազմի հետ, որը վերահսկվում է Բարզանիների ընտանիքի կողմից»,- նշում է թերթի սյունակագիր Աբդուլքադիր Սելվին, որը մոտ է կառավարական շրջանակներին:
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր, որ երկիրը ծրագրում է ամռանը լուծել Իրաքի հետ «սահմանային անվտանգության հարցը»։ Նրա խոսքով՝ թուրքական կողմը ձգտում է նաև Սիրիայում 30-40 կիլոմետր խորությամբ անվտանգության միջանցք ստեղծել։
