12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Նավալնայան կոչ է արել ընտրությունների օրը մասնակցել «Կեսօրն ընդդեմ Պուտինի» ակցիային
Քաղաքականություն
06.03.2024 | 21:18
Ալեքսեյ Նավալնիի այրին՝ Յուլյա Նավալնայան, կոչ է արել ՌԴ քաղաքացիներին մասնակցել ընդդիմության հայտարարած «Կեսօրն ընդդեմ Պուտինի» ակցիային, այն է՝ գնալ ընտրատեղամասեր նախագահական ընտրությունների հիմնական քվեարկության օրը՝ մարտի 17-ին, ժամը 12.00-ին, փոխանցում է DW-ի ռուսական ծառայությունը։
«Եթե մենք միաժամանակ գնանք, մեր ձայնն ավելի բարձր կհնչի»,- ասել է նա տեսաուղերձում, որը հրապարակվել է Ալեքսեյ Նավալնիի YouTube-յան ալիքում։
Առաջիկա ընտրություններն անվանելով «կատարյալ կեղծիք», քանի որ ՌԴ նախագահ Վլադիմիր Պուտինը, նրա խոսքով, «կնկարի իր սրտին հաճելի ցանկացած արդյունք, թեկուզ 80, թեկուզ 180 տոկոս», Յուլիա Նավալնայան ընդգծել է, որ ռեժիմի հակառակորդները կարող են օգտագործել քվեարկությունը Կրեմլի ղեկավարի դեմ, որպեսզի «միասին հասնենք մեր նպատակներին»։
Նա նաև կոչ է արել քվեաթերթիկներն անվավեր դարձնել՝ դրանց վրա խոշոր տառերով «Նավալնի» գրելով։
