Սպիտակ տունը Զելենսկիի և Նավալնիի կանանց հրավիրել է ներկա գտնվել Կոնգրեսում Ջո Բայդենի ելույթին․ երկուսն էլ մերժել են

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Ուկրաինայի առաջին տիկին Ելենա Զելենսկայան մերժել է Սպիտակ տան հրավերը՝ մասնակցելու մարտի 7-ին կայանալիք Կոնգրեսի նիստին, որտեղ ԱՄՆ նախագահ Ջո Բայդենը հանդես է գալու ամենամյա ուղերձով։ Նա մերժումը պատճառաբանել է պատերազմի հետևանքով քայքայված իր երկրի առջև ծառացած բարդ խնդիրներով, հայտնում է The Washington Post-ը՝ հղում անելով իր աղբյուրներին։

Իրավիճակին ծանոթ պաշտոնյաների տեղեկացմամբ՝ նպատակը ԱՄՆ առաջին տիկին Ջիլ Բայդենին նստեցնելն էր Զելենսկայայի և ռուս ընդդիմադիր գործիչ Ալեքսեյ Նավալնիի այրու՝ Յուլիա Նավալնայայի կողքին։ Երկու կանանց պատկերները, որոնցից յուրաքանչյուրը ՌԴ նախագահ Վլադիմիր Պուտինին դիմադրության խորհրդանիշն է, հզոր նախապատմություն կստեղծեր Կոնգրեսի համատեղ նիստում նախագահ Բայդենի ելույթի համար:

Սակայն Նավալնայայի հնարավոր ներկայությունը Կոնգրեսում անհանգստություն է առաջացրել ուկրաինացիների մոտ՝ Ղրիմի վերաբերյալ 2014 թվականին Ալեքսեյ Նավալնիի հայտարարությունների հետ կապված։

Սպիտակ տան պաշտոնյան ասել է, որ Զելենսկայայի որոշումը, հավանաբար, պայմանավորված է «ժամանակացույցի հակասություններով»։ Հետագա հարցերը փոխանցվել են Զելենսկայայի գրասենյակ, որը չի պատասխանել լրատվամիջոցի մեկնաբանության խնդրանքին:

Յուլիա Նավալնայան նույնպես հրաժարվել է ներկա գտնվել Բայդենի ելույթին, ըստ նրա խոսնակի՝ պատճառը հոգնածությունն է:

«Յուլիան իսկապես հրավիրված էր և պատրաստվում էր գնալ, բայց ես կարծում եմ, որ բոլորը մոռանում են, թե ինչ հանգամանքներում են ծավալվել իրադարձությունները։ Յուլիայի ամուսինը մահացել է երկու շաբաթ առաջ, այս ամբողջ ընթացքում նա ճանապարհորդում էր։ Այսօր առաջին օրն է, որ նա ընդհանրապես տանն է: Ինչպես ցանկացած մարդու, նրան էլ ժամանակ է պետք ուշքի գալու համար, և թեև նա իսկապես գնահատում է հրավերը, բայց հիմա գոնե մի փոքր ուշքի պետք է գա»,- ասել է Նավալնիների մամուլի քարտուղար Կիրա Յարմիշը։

Ամերիկացի պաշտոնյաներից մեկն ասել է, որ Սպիտակ տունը, ամենայն հավանականությամբ, չի տեղեկացրել Կիևին, որ Նավալնայան որոշել է չմասնակցել, թեև նրա ներկայությունը, ըստ աղբյուրների, միակ մտահոգությունը չէր ուկրաինացիների համար։ Ուկրաինայի կառավարությունը չի ցանկանում քաղաքականացնել պատերազմն ու վիրավորել հանրապետականներին, որոնք հաջորդ տարի կարող են վերահսկել Սպիտակ տունը՝ կախված նոյեմբերի նախագահական ընտրությունների արդյունքներից: