15.09.2026 | 13:42
Լարված իրավիճակ՝ Գյումրիի ավագանու նիստում․ Սիմոնյանը լքեց դահլիճը․ ՏԵՍԱՆՅՈՒԹ
Լատվիան 300 մլն եվրո կներդնի ՌԴ-ի և Բելառուսի հետ սահմանի ամրապնդման համար
Քաղաքականություն
06.03.2024 | 15:43
Լատվիան առաջիկա հինգ տարիների ընթացքում 300 մլն եվրո կներդնի Ռուսաստանի և Բելառուսի հետ սահմանի ամրապնդման համար։ Պաշտպանության նախարարության համապատասխան պլանը հավանության է արժանացել երկրի կառավարության կողմից, հայտնում է DW-ի ռուսական ծառայությունը։
Ծրագրերը նախատեսում են տարբեր պաշտպանական օբյեկտների կառուցում երկրի արևելյան սահմանին, ներառյալ՝ զինվորների համար ամրացված դիրքեր, հակատանկային խրամատներ, ականներ և այլ պատնեշներ, ինչպես նաև զինամթերքի պահեստներ, հայտնել է Լատվիայի պետական ապարատը:
Գերատեսչությունն ընդգծել է, որ այս պլանը Լատվիայի, Լիտվայի և Էստոնիայի համատեղ նախաձեռնության մի մասն է՝ ԵՄ-ի և ՆԱՏՕ-ի արևելյան թևում պաշտպանության միասնական գիծ կառուցելու համար՝ պաշտպանվելու Ռուսաստանի կամ Բելառուսի հնարավոր ագրեսիվ գործողություններից:
Հավելենք, որ Լատվիայի, Լիտվայի և Էստոնիայի պաշտպանության նախարարները հունվարի 19-ին Ռիգայում կայացած հանդիպման ժամանակ պայմանավորվել են համատեղ պաշտպանական գիծ ստեղծել Ռուսաստանի Դաշնության և Բելառուսի Հանրապետության հետ սահմաններին՝ Ուկրաինա Ռուսաստանի լայնամասշտաբ ներխուժման ֆոնին։ Բալթյան երկրներից յուրաքանչյուրն ինքնուրույն կֆինանսավորի ամրությունների իր մասը՝ համաձայնեցնելով այդ աշխատանքը ՆԱՏՕ-ի երկրների ընդհանուր պաշտպանական քաղաքականության հետ։
