15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Ղրղզստանի նախագահի նախկին դաշնակիցը զանգվածային անկարգությունների գործով 7 տարվա ազատազրկման է դատապարտվել
Քաղաքականություն
05.03.2024 | 17:54
Բիշքեկի Պերվոմայսկի շրջանային դատարանը ակտիվիստ, Ղրղզստանի նախագահ Սադիր Ջապարովի նախկին դաշնակից Մելիս Ասպեկովին դատապարտել է 7 տարվա ազատազրկման՝ զանգվածային անկարգություններ կազմակերպելու գործով (Քրեական օրենսգրքի 36-րդ հոդվածի 278 մաս): Այս մասին հայտնում է Ազատություն ռադիոկայանի ղրղզական ծառայությունը՝ հղում անելով ակտիվիստի որդուն։
Ասպեկովի դեմ գործի պատճառ են դարձել 2023 թվականի աշնանը սոցիալական ցանցերում տարածված ձայնագրությունները, որոնցում, ինչպես պնդում է հետաքննությունը, լսվել է ակտիվիստի ձայնը։ Դատարանը չի հայտնել, թե կոնկրետ ինչ է, իբր, ասել դատապարտյալը։
Ակտիվիստի որդին՝ Աալի Ասպեկովը, նշել է, որ դատավարության ընթացքում հայրը չի ընդունել առաջադրված մեղադրանքը և մտադիր է դատավճիռը վիճարկել վերադաս ատյանում։
Մելիս Ասպեկովը կալանավորվել, ապա ձերբակալվել է 2023 թվականի սեպտեմբերի վերջին։
Սա ակտիվիստի դեմ առաջին դատավճիռը չէ։ 2022 թվականի մարտին դատարանը նրան յոթ տարվա ազատազրկման է դատապարտել Ղրղզստանի Թեմիր Ժոլու պետական ձեռնարկության ղեկավարությունից 250 հազար դոլար շորթելու գործով։ Մեկ տարի անց Ասպեկովն ազատ է արձակվել նախագահական համաներմամբ: Ինքը՝ ակտիվիստը, այդ ժամանակ հայտարարել է, որ իր մեղքն ապացուցված չէ, և որ իր դեմ գործը հարուցվել է քաղաքական դրդապատճառներով։
