20.05.2024 | 11:49
Իրանի նախագահի և ուղղաթիռի կործանման հետևանքով մյուս զոհվածների մարմինները տեղափոխվել են Թավրիզ
ԱՄՆ-ը երկարաձգել է Ռուսաստանի դեմ պատժամիջոցները
Քաղաքականություն
05.03.2024 | 17:18
ԱՄՆ նախագահ Ջո Բայդենը հրամանագիր է ստորագրել ՌԴ-ի դեմ մի շարք պատժամիջոցներ ևս մեկ տարով երկարաձգելու մասին, հայտնել է Սպիտակ տան մամուլի ծառայությունը։
Խոսքը Ռուսաստանից ֆիզիկական անձանց և ընկերությունների դեմ պատժամիջոցների մասին է, որոնք հաստատվել են Ջո Բայդենի, Դոնալդ Թրամփի և Բարաք Օբամայի կողմից 2014, 2018 և 2022 թվականներին։
Բայդենը եզրակացրել է, որ այս բոլոր սահմանափակումները պետք է ուժի մեջ մնան 2024 թվականի մարտի 6-ից հետո, քանի որ գործադիր հրամաններում նշված գործողություններն ու քաղաքականությունը շարունակում են արտասովոր վտանգ ներկայացնել ԱՄՆ ազգային անվտանգությանը և արտաքին քաղաքականությանը, ասվում է զեկույցում։
Հրամանագրերի գործողության ժամկետը երկարացվել է մեկ տարով։ Նախագահը որոշման մասին տեղեկացրել է ԱՄՆ Կոնգրեսին։
Ավելի վաղ հաղորդվել էր, որ Ճապոնիան նոր պատժամիջոցներ է սահմանել Ռուսաստանի դեմ։ G7-ի երկրներից հետո Ճապոնիայի վարչապետ Ֆումիո Կիշիդան հայտարարել է, որ իր երկիրը խստացնելու է հակառուսական պատժամիջոցները։
