30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Աբսուրդ է․ Գերմանիայի իշխանություններն արձագանքել են «ապազգայնականացման» մասին Մարիա Զախարովայի հայտարարությանը
Քաղաքականություն
04.03.2024 | 19:25
Գերմանիայի իշխանությունները պատասխանել են ՌԴ ԱԳՆ պաշտոնական ներկայացուցիչ Մարիա Զախարովայի հայտարարությանը, թե Գերմանիայի Դաշնային Հանրապետությունը «լիովին ապազգայնականացված չէ»։
«Առաջին անգամ չէ, որ մենք նման բան ենք լսում: Մենք նման ահաբեկման չենք ենթարկվում: Ռուսական կողմի ձևակերպումն ինքնին խոսուն է»,- ասել է Գերմանիայի ԱԳՆ խոսնակ Քրիստիան Վագները՝ պատասխանելով Զախարովայի հայտարարության վերաբերյալ DW-ի հարցին։
Գերմանիայի կառավարության ներկայացուցիչ Վոլֆգանգ Բյուխներն իր հերթին Զախարովայի խոսքերն անվանել է անհեթեթ։
«Աբսուրդն ակնհայտ է»,- հավելել է նա։
Մարիա Զախարովան Համաշխարհային երիտասարդական փառատոնի ժամանակ ասել էր, որ գերմանացի սպաների գաղտնալսված բանակցությունները ցույց են տվել «Գերմանիայի ապազգայնականացման անավարտությունը»։
«Նրանք, ինչպես հիմա հասկանում ենք, այդպես էլ մինչև վերջ չեն ապազգայնականացվել»,- ասել էր Զախարովան՝ նշելով, որ «եթե այդ գործընթացը չավարտվի», դա կհանգեցնի «սարսափելի հետևանքների հենց Գերմանիայի համար»։
Հավելենք, որ ռուսական քարոզչական RT-ն հրապարակել էր 38 րոպեանոց ձայնագրություն, որում, ըստ աղբյուրի, «Բունդեսվերի բարձրաստիճան սպաները» քննարկում են Ղրիմի կամրջի վրա TAURUS հրթիռներով հարձակումների հնարավորությունը։
