14.12.2025 | 18:20
Թաիլանդն ու Կամբոջան շարունակում են ռազմական գործողությունները
ԱՄՆ փոխնախագահը կոչ է անում Գազայում «անհապաղ» հրադադար հաստատել
Քաղաքականություն
04.03.2024 | 19:52
ԱՄՆ փոխնախագահ Քամալա Հարիսը կոչ է արել «անհապաղ հրադադար» հաստատել Գազայում, գրում է Al Jazeera-ն։
«Հաշվի առնելով Գազայում տառապանքի հսկայական մասշտաբները, պետք է անհապաղ հրադադար լինի առնվազն առաջիկա վեց շաբաթվա ընթացքում, ինչը ներկայում սեղանին է»,- հայտարարել է Հարիսը՝ նշելով, որ դա թույլ կտա ազատ արձակել պատանդներին ու նշանակալի հումանիտար օգնություն հասցնել։
Սպիտակ տան վարչակազմի կողմից Իսրայելի հասցեին ամենաուժեղ քննադատությունը հնչեցնելով՝ Հարրիսն ասել է, որ Իսրայելը պետք է ավելին անի օգնություն տրամադրելու համար, ներառյալ նոր սահմանային անցակետեր բացելը և «ավելորդ սահմանափակումներ» չկիրառելու պարտավորությունը:
«Գազայում մարդիկ սովամահ են, պայմաններն անմարդկային են, և մեր ընդհանուր մարդասիրությունը ստիպում է մեզ գործել»,- ասել է Հարիսը՝ ընդգծելով, որ Իսրայելի կառավարությունը պետք է ավելին անի օգնության հոսքը զգալիորեն մեծացնելու համար։
Նա նաև անդրադարձել է հինգշաբթի տեղի ունեցած միջադեպին, որի ժամանակ ավելի քան 100 պաղեստինցիներ են սպանվել, երբ փորձել են սննդի օգնություն ստանալ Գազա քաղաքում՝ նշելով, որ «չափազանց շատ անմեղ պաղեստինցիներ են սպանվել»:
Հարրիսը ՀԱՄԱՍ-ին կոչ է արել ընդունել հրադադարի համաձայնագրի պայմանները, որոնք, ըստ ԱՄՆ պաշտոնյաների, ընդունվել են Իսրայելի կողմից:
