07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Սամարայի շրջանում երկաթուղային կամուրջ է պայթեցվել
Քաղաքականություն
04.03.2024 | 13:04
Սամարայի մարզում երկաթուղային կամուրջ է պայթեցվել, հայտնել են ռուսական լրատվամիջոցները, փոխանցում է DW-ի ռուսական ծառայությունը։
63.ru-ի հրապարակման համաձայն՝ Զվեզդա-Չապաևսկ հատվածում խափանվել են Չապաևկա գետի վրայով անցնող երկաթուղային կամրջի հենարանները։ Տեղում աշխատում են Ռուսաստանի ազգային գվարդիայի աշխատակիցներն ու սակրավորները։
Կույբիշևի երկաթուղու պաշտոնական Telegram ալիքը հայտարարել է գնացքների երթևեկության խափանումների մասին՝ «երկաթուղային տրանսպորտի շահագործմանը չարտոնված անձանց անօրինական միջամտության պատճառով»։
«Baza» և «Mash» Telegram ալիքները հրապարակել են լուսանկար, որտեղ, իբր, պատկերված է պայթյունից վնասված կամուրջը։ Ըստ Baza-ի աղբյուրների՝ վնասվել են կամրջի մետաղական կառուցատարրերը, ինչպես նաև ցանկապատը, սակայն բետոնե հենարանը, նախնական գնահատականներով, չի տուժել։
Ուկրաինայի պաշտպանության նախարարության հետախուզության գլխավոր վարչությունը հայտարարել է, որ կամուրջը «երկար ժամանակով» շարքից դուրս է եկել։ Այս երկաթուղային գիծն օգտագործվել է Ռուսաստանի կողմից «ռազմական բեռներ փոխադրելու համար, մասնավորապես՝ ինժեներական զինամթերք, որն արտադրվել է Սամարայի մարզի Չապաևսկ քաղաքում գտնվող «Պոլիմեր» գործարանի կողմից», ասվում է հայտարարության մեջ։
