15.01.2026 | 17:07
Բաքուն արտերկրում բնակվող ադրբեջանցի հայտնի բլոգերին ու լրագրողներին հեռակա կարգով 8 տարվա ազատազրկման է դատապարտել
Բացառվում է. Լեհաստանը զորք չի ուղարկի Ուկրաինա․ Լեհաստանի պաշտպանության նախարար
Քաղաքականություն
03.03.2024 | 12:29
Լեհաստանի պաշտպանության նախարար Վլադիսլավ Կոսինյակ-Կամիշը բացառել է, որ Լեհաստանը զորք կուղարկի Ուկրաինա․ գրում է DW-ն։
«Մենք կարծում ենք, որ ավելի լավ է տեխնիկա ուղարկենք»,- ասել է Լեհաստանի պաշտպանության նախարարության ղեկավարը՝ շեշտելով, որ Լեհաստանը մարզում է ուկրաինացի զինվորականների մեկ երրորդին։
Մեկնաբանելով Ֆրանսիայի նախագահ Էմանուել Մակրոնի վերջին հայտարարությունն Ուկրաինայում արևմտյան զորքերի հնարավոր տեղակայման մասին՝ Կոսինյակ-Կամիշն ասել է. «Սա ՆԱՏՕ-ի նախաձեռնությունը չէ, սա Ֆրանսիայի նախաձեռնությունն է։ Մենք դա ուղիղ և հստակ ասում ենք մեր դաշնակիցներին»:
Ավելի վաղ Մակրոնի խոսքերն արդեն մեկնաբանել էին Լեհաստանի նախագահ Անջեյ Դուդան և Լեհաստանի վարչապետ Դոնալդ Տուսկը։ Նրանք երկուսն էլ ասել են, որ չեն դիտարկում Ուկրաինա զորքեր ուղարկելու հնարավորությունը։
