14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մեծ խիզախություն էր պետք Նավալնիին հրաժեշտ տալու համար․ հազարավոր ռուսներ դա գտան իրենց մեջ․ Մակրոն
Քաղաքականություն
02.03.2024 | 12:02
Ֆրանսիայի Հանրապետության նախագահ Էմանուել Մակրոնը X-ի իր միկրոբլոգում ռուսերեն գրառում է կատարել։ Նա ռուս ընդդիմադիր գործիչ Ալեքսեյ Նավալնիին հրաժեշտ տալու եկած հազարավոր ռուսաստանցիների քայլը մեծ համարձակություն է որակել։
«Մեծ խիզախություն էր պետք Ալեքսեյ Նավալնիին հրաժեշտ տալու համար։ Հազարավոր ռուսներ դա գտան իրենց մեջ։
Սա է նրա ժառանգությունը։
Հավերժ հիշատակ»,- գրել է Մակրոնը։
Հիշեցնենք, որ Մոսկվայի Մարինոյի եկեղեցում երեկ Նավալնիի հոգեհանգիստը 20 րոպեից էլ կարճ է տևել։
Եկեղեցու տարածքը շրջափակված է եղել մետաղյա պարիսպներով։ Նավալնիին հրաժեշտ տալու ցանկություն ունեցողների շարանը ձգվել է ավելի քան մեկ կիլոմետր։ Ցանկապատի շուրջ կանգնած մարդիկ պարբերաբար վանկարկել են «Նավալնի», «Պուտինը մարդասպան է» «Շնորհակալություն, Ալեքսե՛յ» և «Չե՛նք ների»:
