12.08.2026 | 10:13
Մեր աշակերտները արհեստական բանականության միջազգային օլիմպիադայում թիմային պայքարում 5-րդ տեղն է զբաղեցրել. ԿԳՄՍ նախարար
Ալեքսեյ Նավալնիին հուղարկավորել են
Քաղաքականություն
01.03.2024 | 17:36
Քաղաքական գործիչ Ալեքսեյ Նավալնիին հուղարկավորել են Մոսկվայի Բորիսովյան գերեզմանատանը, հայտնում է «Նովայա գազետա Եվրոպան»։ Նրա հոգեհանգիստը տեղի է ունեցել Մոսկվայի հարավ-արևելքում՝ Մարյինոյի եկեղեցիներից մեկում։
Եկեղեցի թույլ են տվել մուտք գործել միայն նրա հրազատներին ու մտերիմներին։ Հոգեհանգստի արարողությունը 20 րոպեից էլ պակաս է տևել։
Նավալնիի մերձավորները պատմել են, որ եկեղեցու հոգևորական Անատոլի Ռոդիոնովի վրա «ճնշում են գործադրել», որպեսզի նա արագ անցկացնի քաղաքական գործչի հրաժեշտի արարողակարգը։
Այսօր առավոտից եկեղեցու անմիջական հարևանությամբ ու մերձակայքում հավաքվել են հազարավոր մարդիկ, ովքեր ցանկանում էին հրաժեշտ տալ Նավալնիին։ Երբ եկեղեցու մոտ են բերել Նավալնիի մարմինը, մարդիկ սկսել են վանկարկել՝ «Նավալնի», «Չե՛նք ների»։
Հուղարկավորության արարողությունից հետո Նավալնիին հրաժեշտ տալ ցանկացողները գնացել են գերեզմանոց։ Նրանք ծաղիկներ են տարել և վանկարկել՝ «Ռուսաստանն ազատ կլինի», «Նավալնի», «Ռուսաստանն առանց Պուտինի», «Ո՛չ պատերազմին», «Սերն ավելի ուժեղ է, քան վախը»։
