03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Կրեմլը հիշեցրել է «չարտոնված հավաքների» համար պատասխանատվության մասին․ Նավալնիին հրաժեշտ տալ ցանկացողների շարասյան երկարությունը կիլոմետրի է հասել
Քաղաքականություն
01.03.2024 | 16:09
ՌԴ նախագահի մամուլի քարտուղար Դմիտրի Պեսկովը հայտարարել է, որ Կրեմլը Ալեքսեյ Նավալնիի հարազատներին ասելու ոչինչ չունի նրա հուղարկավորության օրը։ Նա հավելել է, որ Կրեմլը չի կարող Նավալնիին գնահատել որպես քաղաքական գործիչ, փոխանցում է Meduza-ն։
Բացի այդ, Կրեմլը նախազգուշացրել է ցանկացած «չարտոնված հավաքի» համար պատասխանատվության մասին։
«Մենք մեկնաբանություններ չունենք։ Մենք հիշեցում ունենք, որ կա օրենք, այն պետք է պահպանել։ Ցանկացած չարտոնված հավաք օրենքի խախտում կլինի և, համապատասխանաբար, դրան մասնակցողները պատասխանատվության կենթարկվեն»,- ասել է Պեսկովը։
Հիշեցնենք՝ Եվրախորհրդարանը բանաձև էր ընդունել ռուս ընդդիմադիր գործչի մահվան կապակցությամբ։ Փաստաթղթում ասվում է, որ ՌԴ նախագահ Վլադիմիր Պուտինը պետք է պատասխան տա բանտում ընդդիմադիր առաջնորդի սպանության համար։
Ավելի վաղ էլ Եվրախորհրդարանի ղեկավար Ռոբերտա Մեցոլան խոստացել էր չճանաչել 2024 թվականի Ռուսաստանի ընտրությունների արդյունքները՝ Նավալնիի մահվան պատճառով։
Մինչ այդ, Sota-ն հայտնում է, որ հուղարկավորության մեկնարկից դեռևս մեկ ժամ առաջ քաղաքական գործչին հրաժեշտ տալ ցանկացողների շարասյունը կիլոմետրի է հասել։
До назначенного времени отпевания ещё больше часа, а к храму уже огромная очередь из невероятных людей. Спасибо вам ❤️🩹 pic.twitter.com/V0IVBVCvF5
— Команда Навального (@teamnavalny) March 1, 2024
До отпевания час pic.twitter.com/FlkIzSLVJk
— Кира Ярмыш (@Kira_Yarmysh) March 1, 2024
