23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Նավալնիի մարմինը հանձնել են հարազատներին․ դիակառքով ավտոշարասյունը շարժվում է դեպի եկեղեցի
Քաղաքականություն
01.03.2024 | 14:29
Բանտում մահացած ընդդիմադիր գործիչ Ալեքսեյ Նավալնիի դին հանձնել են հարազատներին, գրում է Meduza-ն։
«Դիակառքով ավտոշարասյունը սկսել է շարժվել»,- հայտնել է Կոռուպցիայի դեմ պայքարի հիմնադրամի տնօրեն Իվան Ժդանովը։
Նավալնիի մամուլի քարտուղար Կիրա Յարմիշը հայտնել է, որ հարազատները դիահերձարան են ժամանել Մոսկվայի ժամանակով 10։00-ին՝ նախապես պայմանավորված ժամին դիակը ստանալու համար, սակայն մեկ ժամ անց դին դեռ չէին տվել հարազատներին։
Հիշեցնենք, որ այսօր տեղի է ունենալու Ալեքսեյ Նավալնիի հոգեհանգստի արարողությունն ու հուղարկավորությունը։
Մարյինոյի եկեղեցում հոգեհանգստի արարողությունը նախատեսված է Մոսկվայի ժամանակով 14:00-ին, Բորիսովյան գերեզմանատանը հուղարկավորության սկիզբը՝ Մոսկվայի ժամանակով 16:00-ին:
