28.04.2026 | 13:07
Բացահայտվել է 125 հանցագործություն, որոնցից 4-ը՝ նախկինում կատարված
Ուժայինների կուտակումներ, երկաթե ցանկապատներ, բջջային կապի խափանում․ Մոսկվայում այսօր հուղարկավորում են Նավալնիին
Քաղաքականություն
01.03.2024 | 13:14
Մոսկվայում ուժայինները հավաքվում են Բորիսովյան գերեզմանատան և եկեղեցու մոտ, որտեղ այսօր տեղի է ունենալու բանտում մահացած ընդդիմադիր քաղաքական գործիչ Ալեքսեյ Նավալնիի հրաժեշտը, գրում է Current Time-ը։
Մետրոյի «Մարինյո» կայարանից մինչև տաճար ու գերեզմանոց մետաղական ցանկապատից միջանցք է կազմվել։ Բրատեևսկի կամրջի մայթերին պարիսպներ են շարված, անվտանգության ուժերն աշխատում են Մոսկվա գետի երկու ափերին՝ ստուգելով անցորդների փաստաթղթերն ու անձնական իրերը։
Ըստ Sota-ի՝ առավոտից տաճարի մոտ կանգնած են տարբեր չափերի առնվազն քառասուն ոստիկանական մեքենաներ՝ թեթև մարդատար մեքենաներից մինչև հատուկ ավտոբուսներ։ Դիմակավորված ՕՄՕՆ-ականները հերթապահում են ամբողջ շրջագծով։
Mediazona-ի թղթակիցն ընդհատումներ է նկատել նաև բջջային ինտերնետի աշխատանքում։ Նրա փոխանցմամբ՝ Telegram մեսենջերում հաղորդագրություններն ուղարկվում են մի քանի րոպեի ընթացքում, Yandex.Maps-ը կապ չի գտնում։ The Insider-ն էլ նախօրեին գրել էր, որ տաճարի մոտ ալեհավաք է տեղադրվել անվտանգության ուժերի կապի համար։
Հիշեցնենք, որ Ալեքսեյ Նավալնիի հոգեհանգստի արարողությունը տեղի է ունենալու Մարյինոյի «Սփոփիր իմ ցավերը» եկեղեցում այսօր՝ տեղի ժամանակով 14:00-ին, հուղարկավորությունը՝ Բորիսովյան գերեզմանատանը:
