07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
ԱՄՆ Կոնգրեսը ժամանակավոր ֆինանսավորման օրինագիծ է ընդունել
Քաղաքականություն
01.03.2024 | 13:47
ԱՄՆ Սենատը փետրվարի 29-ին ընդունել է կարճաժամկետ ֆինանսավորման օրինագիծ, որով հնարավոր կլինի խուսափել կառավարության «շաթդաունից»: Այս փաստաթղթին կողմ է քվեարկել 77 սենատոր, դեմ՝ 13-ը։
Ավելի վաղ այս նախաձեռնությունը հավանության էր արժանացել Ներկայացուցիչների պալատի կողմից։ Օրինագծին կողմ է քվեարկել Պալատի անդամներից 320-ը, դեմ՝ 99-ը։ Այժմ փաստաթուղթն ուղարկվել է ԱՄՆ նախագահ Ջո Բայդենի ստորագրման համար։
Օրինագծով նախատեսվում է պետական որոշ գերատեսչությունների ֆինանսավորումը երկարաձգել մինչև մարտի 8-ը, մնացածը՝ մինչև մարտի 22-ը։
Սպիտակ տան կայքում հրապարակված հայտարարության մեջ Բայդենը օրինագծի ընդունումը լավ նորություն է անվանել ամերիկացիների համար, թեև նշել է, որ դա «կարճաժամկետ լուծում է, այլ ոչ երկարաժամկետ լուծում»։
ԱՄՆ Կոնգրեսը չի կարողանում համաձայնության գալ 2024 ֆինանսական տարվա բյուջեի առաջարկի շուրջ։ Կոնգրեսականները նախկինում երեք անգամ արդեն ընդունել են դաշնային կառավարության կառույցների ժամանակավոր ֆինանսավորման մասին օրինագծերը։
