23.11.2024 | 12:56
Երկրաշարժ Ադրբեջանում․ այն զգացվել է նաև Սյունիքի մարզում՝ 3-4 բալ ուժգնությամբ
Իրանը՝ խորհրդարանական ընտրությունների նախաշեմին
Քաղաքականություն
29.02.2024 | 21:11
Ուրբաթ՝ մարտի 1-ին, Իրանում տեղի կունենան խորհրդարանական ընտրություններ։ Հարցումները ցույց են տալիս, որ իրանցիները հիասթափված են քաղաքական ուժերից, որոնք չեն կարողանում բավարարել ավելի մեծ ազատությունների և տնտեսական առաջընթացի պահանջները, գրում է Euronews-ը։
Պաշտոնական տվյալներով՝ գնաճը երկրում մոտենում է 50%-ի, պարենային և առաջին անհրաժեշտության ապրանքները կտրուկ թանկացել են, գները շարունակում են աճել։
«Ընտրություններն անտեսելը ամբողջ համակարգի՝ ցանկացած խնդիր լուծելու կարողության հանդեպ հավատի պակասի արդյունք է: Քանի դեռ վերևում որոշում չի կայացվել և խնդիրներ լուծելու վճռականություն դրսևորվել, կարծում եմ՝ շատերը չեն գնա ընտրության»,- նշել է քաղաքագետ Ահմադ Զեյդաբադին։
Իրանում ներքին պառակտումներն է՛լ ավելի են խթանվել 2022 թվականին հիջաբի օրենքների դեմ բողոքի ցույցերի դաժան ճնշմամբ, որոնց արդյունքում եղան մահեր, բազմաթիվ մարդիկ վնասվածքներ ստացան և ձերբակալվեցին:
Առաջիկա ընտրություններում ավելի քան 15,000 թեկնածուներ, այդ թվում՝ շատ քիչ կանայք, պայքարելու են խորհրդարանում 290 տեղի համար:
