01.04.2026 | 20:30
Ես ուզում եմ՝ իշխանության գա ուժ, որը, կհետաքննի պատերազմը, և մարդիկ կիմանան՝ ինչ է կատարվել․ Իզաբելլա Աբգարյան. ՏԵՍԱՆՅՈՒԹ
Դատավորները մարտի 29-ին ևս ընդհանուր ժողով կանցկացնեն
Հասարակություն
29.02.2024 | 16:14
Հայաստանի Հանրապետության Վճռաբեկ դատարանի նախագահ Լիլիթ Թադևոսյանի հրամանով 2024 թվականի մարտի 29-ին՝ ժամը 14:00-ին, հրավիրվել է Հայաստանի Հանրապետության դատավորների ընդհանուր ժողով: Այս մասին տեղեկանում ենք Դատական իշխանության պաշտոնական կայքից։
Դատավորների այս ժողովի օրակարգում ԲԴԽ դատավոր անդամի ընտրության հարցն է։ ԲԴԽ-ում դատավոր անդամի թափուր հաստիք է առաջացել, քանի որ Վերաքննիչ քրեական դատարանի դատավոր Արշակ Վարդանյանը հրաժարականի դիմում է ներկայացրել, դադարել են նրա՝ դատավորի, ըստ այդմ՝ նաև որպես ԲԴԽ դատավոր անդամի լիազորությունները։
Նշենք, որ դատավորների մեկ այլ ժողով հրավիրվել է մարտի 15-ին, որի օրակարգում Դատավորների ընդհանուր ժողովի ուսումնական հարցերի հանձնաժողովի ընտրության հարցն է։
Արաքս Մամուլյան
