05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Քաղաքաշինության կոմիտեն կշարունակի համագործակցել «Երևան, իմ սեր» հիմնադրամի հետ
14.08.2018 | 20:22
Այսօր ՀՀ քաղաքաշինության կոմիտեի նախագահ Ավետիք Էլոյանն այցելել է «Երևան, իմ սեր» հիմնադրամ, որը գործում է հենց հիմնադրամի միջոցներով վերականգնված շենքում (Սբ. Սարգիս եկեղեցու հարակից տարածքում, Իսրայելյան փողոցի վրա):
Ինչպես տեղեկացրին ՀՀ քաղաքաշինության կոմիտեից, այցն իրականացել է վերջերս Կոմիտեում տեղի ունեցած հանդիպման և համատեղ որևէ ծրագիր կյանքի կոչելու պայմանավորվածության շրջանակներում:
Ավետիք Էլոյանն ու հիմնադրամի տնօրեն Արշակ Կարապետյանը միասին շրջել են սենյակներով, ծանոթացել այն հատվածներին, որոնք անհատույց տրամադրվել են «Save the Children» («Փրկենք երեխաներին») բարեգործական կազմակերպությանը, մասնագիտական գնահատական տվել կատարված աշխատանքներին:
(Հաշմանդամություն ունեցող երեխաների սոցիալ-վերականգնողական «Լուսէ կենտրոնը» հիմնադրվել է «Save the Children» կազմակերպության և «Երևան, իմ սեր» հիմնադրամի համագործակցության արդյունքում):
Շրջայցի ավարտին կողմերը պայմանավորվածություն են ձեռք բերել համագործակցությունը սկսել ճարտարապետական արժեք ներկայացնող, սակայն անմխիթար վիճակում գտնվող որևէ կառույց վերականգնելու ծրագրով:
