03.04.2026 | 23:13
NASA-ն հրապարակել է Երկրի նոր լուսանկարը
Խաղաղության խաչմերուկը «Մեղրիի երթուղու» այլընտրանք չէ․ Զախարովա․ ՏԵՍԱՆՅՈՒԹ
Քաղաքականություն
28.02.2024 | 17:19
«Խաղաղության խաչմերուկը» չի կարող այլընտրանք լինել, այսպես կոչված, «Մեղրիի երթուղուն»։ Նման կարծիք է հայտնել ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ։
«Մենք չենք կարծում, որ «Խաղաղության խաչմերուկը» կարող է այլընտրանք հանդիսանալ Մեղրիի կամ մեկ այլ երթուղու համար»,- ասել է Զախարովան՝ հավելելով, որ «Խաղաղության խաչմերուկն» ավելի ընդգրկուն նախագիծ է, որը վերաբերում է ընդհանուր տարածաշրջանային հաղորդակցություններին։
Անդրադառնալով տարածաշրջանային երթուղիների ապաշրջափակմանը՝ Զախարովան նշել է, որ Հայաստանի իշխանությունները բազմիցս խոսել են ինքնիշխանության և իրավասության սկզբունքի հիման վրա տարածաշրջանային հաղորդակցությունները բացելու պատրաստակամության մասին, Ադրբեջանն էլ, ինչպես պնդում է ՌԴ ԱԳՆ պաշտոնական ներկայացուցիչը, չի հրաժարվել նման մոտեցումից։
«Ցավոք, այս աշխատանքը հիմա կանգ է առել մեր հայ գործընկերների դիրքորոշման պատճառով։ Ինչ վերաբերում է հայտարարության այն կետին, որը վերաբերում է «Մեղրիի երթուղու» վրա ՌԴ ԱԴԾ սահմանապահ ծառայության վերահսկողությանը, ապա դա տրամաբանական է թե՛ երթևեկության օպտիմալ կազմակերպման, թե՛ տնտեսական տեսակետից։ Ռուս սահմանապահներն արդեն տեղակայված են Սյունիքի մարզի հարավում, նրանք պաշտպանում են Հայաստանի և Իրանի սահմանը»,- ասել է Զախարովան։
Մանրամասները՝ տեսանյութում։
