12.08.2026 | 10:13
Մեր աշակերտները արհեստական բանականության միջազգային օլիմպիադայում թիմային պայքարում 5-րդ տեղն է զբաղեցրել. ԿԳՄՍ նախարար
ԱՄՆ բանակում կրճատումներ կլինեն` մեծ պատերազմների պատրաստվածությունը բարելավելու համար
Քաղաքականություն
28.02.2024 | 14:09
ԱՄՆ բանակի անձնակազմի թվաքանակը կրճառվում է մոտ 24 հազարով՝ գրեթե 5%-ով, վերակառուցումներ են իրականացվում, որպեսզի բարձրացվի մեծ պատերազմներ վարելու՝ բանակի կարողությունը, հաղորդում է VOA-ն:
Կրճատումներն իրականացվում են այն ժամանակ, երբ բանակը փորձում է հաղթահարել նորակոչիկների պակասը, ինչի պատճառով զինծառայողների թիվը չի բավականացնում բոլոր ազատ հաստիքները լրացնելու համար, նշում է աղբյուրը։
Կրճատումները հիմնականում կվերաբերեն արդեն իսկ թափուր հաստիքներին, այլ ոչ թե գործող զինծառայողներին։
Կրճատումների տակ կհայտնվեն, մասնավորապես, ապստամբական գործողությունների դեմ պայքարող զինվորականների հաստիքները, որոնք ավելացվել էին Իրաքում և Աֆղանստանում պատերազմների ժամանակ, բայց այժմ դրանց անհրաժեշտությունն ավելի քիչ կա: Մոտ 3 հազար մարդ կկրճատվի բանակի հատուկ գործողությունների ջոկատից, հաղորդում է Associated Press-ը։
Միևնույն ժամանակ, ըստ հրապարակման, նախատեսվում է ավելացնել մոտ 7,500 զինվորական, որոնք կատարում են այլ կարևոր խնդիրներ, այդ թվում՝ հակաօդային պաշտպանության և հակաօդային սարքերի դեմ պայքարում:
