24.06.2026 | 12:30
Չալաբյանը մեղադրվում է ընտրողների ընտրական իրավունքը խոչընդոտելու համար. նա պնդել է, որ մեղադրանքը սուտ է․ ՏԵՍԱՆՅՈՒԹ
Ուկրաինա արևմտյան զորքերի ուղարկումը կհանգեցնի ՌԴ-ի և ՆԱՏՕ-ի միջև ուղիղ բախման. Կրեմլի խոսնակ
Քաղաքականություն
27.02.2024 | 17:44
Կրեմլն ուշադրություն է դարձրել Ֆրանսիայի նախագահ Էմանուել Մակրոնի՝ Ուկրաինա արևմտյան ցամաքային զորքեր ուղարկելու մասին հայտարարությանը։ Եթե դա տեղի ունենա, ապա պետք է խոսել ոչ թե ՌԴ-ի և ՆԱՏՕ-ի ուղիղ բախման հավանականության, այլ անխուսափելիության մասին։ BBC-ի ռուսական ծառայության փոխանցմամբ՝ այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Մենք նաև նկատել ենք, որ այս հարցում կա կարծիքների շատ հարուստ գունապնակ. իսկապես կոնսենսուս չկա։ Փարիզում տեղի ունեցած այս միջոցառմանը մասնակցած մի շարք երկրներ բավական սթափ գնահատում են նման գործողության և թեժ հակամարտությանն անմիջական ներգրավման հնարավոր վտանգները։ Սա, իհարկե, բացարձակապես չի բխում այս երկրների շահերից, նրանք պետք է դա գիտակցեն»,- ասել է Դմիտրի Պեսկովը:
Հիշեցնենք՝ Էմանուել Մակրոնը Փարիզում եվրոպացի առաջնորդների հանդիպումից հետո հայտարարել էր Ուկրաինային աջակցելու նոր քայլերի մասին՝ նշելով, որ պատերազմում Ռուսաստանի նկատմամբ հաղթանակի հասնելու համար չի բացառվում արևմտյան ցամաքային ուժեր ուղարկելը երկիր։
