15.09.2026 | 17:17
Հանցավոր ծագում ունեցող 75 մլն դրամ է փոխանցվել պետական բյուջե
Նավալնիի թիմը չի կարողանում Մոսկվայում սրահ գտնել ընդդիմադիր գործչի հրաժեշտի արարողության համար
Քաղաքականություն
27.02.2024 | 20:39
Բանտում մահացած ռուս ընդդիմադիր գործիչ Ալեքսեյ Նավալնիի թիմը չի կարողանում Մոսկվայում դահլիճ գտնել քաղաքական գործչի հրաժեշտի արարողությունը կազմակերպելու համար՝ սգո գործակալությունների կողմից իրենց նման ծառայություն մատուցելուց հրաժարվելու պատճառով։ Այս մասին հայտնել է Նավալնիի մամուլի քարտուղար Կիրա Յարմիշը, գրում է The Current Time-ը։
«Զանգահարել ենք մասնավոր և պետական թաղման գործակալությունների, կոմերցիոն հարթակների և թաղման սրահների մեծ մասին: Ինչ-որ տեղ ասում են՝ տարածքը զբաղված է, ինչ-որ տեղ մերժում են, երբ նշվում է Նավալնիի անունը: Մի տեղից էլ մեզ ուղղակիորեն ասացին, որ թաղման գործակալություններին արգելված է աշխատել մեզ հետ։ Մեկ օր շարունակ որոնումներից հետո հրաժեշտի համար սրահ չկա»,- գրել է նա X-ի իր միկրոբլոգում։
Յարմիշը հավելել է, որ թիմը դեռևս հրաժեշտի արարողության համար սրահ է փնտրում։
Նախօրեին Ալեքսեյ Նավալնիի համախոհները հայտնել էին, որ քաղաքական գործչի հուղարկավորությունը կարող է տեղի ունենալ այս շաբաթվա վերջին։
