12.08.2026 | 10:13
Մեր աշակերտները արհեստական բանականության միջազգային օլիմպիադայում թիմային պայքարում 5-րդ տեղն է զբաղեցրել. ԿԳՄՍ նախարար
Մոսկվայի դատարանը հեռակա կարգով կալանավորել է մուլտիպլիկատոր Պավել Մունտյանին
Քաղաքականություն
27.02.2024 | 11:40
Մոսկվայի Խորոշևսկի շրջանային դատարանը հեռակա կարգով կալանավորել է մուլտիպլիկատոր Պավել Մունտյանին։ DW-ի ռուսական ծառայության փոխանցմամբ՝ այս մասին հաղորդվում է մայրաքաղաքի ընդհանուր իրավասության դատարանների Telegram-ալիքում։
Հաղորդագրությունից հետևում է, որ նա մեղադրվում է «Ռուսաստանի Դաշնության զինված ուժերի կիրառման մասին կանխամտածված կեղծ տեղեկություններ հրապարակելու համար»։
2023 թվականի հոկտեմբերին Baza Տելեգրամ-ալիքը հայտնել էր, որ 2022 թվականի ապրիլին հրապարակված գրառման պատճառով մուլտիպլիկատորի դեմ քրեական գործ է հարուցվել ռուսական բանակի մասին կեղծ լուրեր տարածելու համար։ Ինքը՝ Մունտյանը, ասել է, որ գործը բացվել է Բուչայի դեպքերի մասին գրառման պատճառով։ 2023 թվականի դեկտեմբերին նրա նկատմամբ հետախուզում էր հայտարարվել։
Mr. Freeman հայտնի անիմացիոն սերիալի հեղինակը, որի YouTube-յան ալիքն ունի ավելի քան 1,7 միլիոն բաժանորդ, արդեն մի քանի տարի է՝ ապրում է Կիպրոսում։ 2023 թվականի ապրիլին նա ներառվել է օտարերկրյա գործակալների ցուցակում՝ Ուկրաինայում ռազմական գործողությունների դեմ հանդես գալու և Կիևին աջակցության դրամահավաքին մասնակցելու համար։
