03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Բայդենը մինչ հաջորդ երկուշաբթի Գազայում հրադադարի հաստատման հույս է հայտնել
Քաղաքականություն
27.02.2024 | 13:20
ԱՄՆ նախագահ Ջո Բայդենը հայտարարել է, որ հուսով է՝ Գազայում Իսրայելի և ՀԱՄԱՍ-ի միջև հակամարտությունում մինչև հաջորդ երկուշաբթի հրադադար կհաստատվի, քանզի պատերազմող կողմերը Կատարում մոտեցել են համաձայնությանը, որը ենթադրում է նաև պատանդների ազատ արձակում, գրում է Reuters-ը։
Բայդենը հույս է հայտնել, որ հրադադարը կմեկնարկի օրերի ընթացքում։
«Իմ ազգային անվտանգության հարցերով խորհրդականն ինձ ասել է, որ մենք մոտ ենք դրան։ Մոտ ենք, բայց դեռ չենք հասել դրան։ Հուսով եմ՝ մինչև հաջորդ երկուշաբթի հրադադար կլինի»,- ասել է Բայդենը լրագրողներին։
Reuters-ի փոխանցմամբ՝ ամերիկացի պաշտոնյան, որի անունը չի նշվում, ասել է, որ ԱՄՆ բանակցողները ջանք չեն խնայում մինչև մարտի 10-ը՝ Ռամադանի սկիզբը հրադադարի հասնելու համար: Նույն պաշտոնյան պարբերականին ասել է նաև, որ լավատեսությունն առաջացել է իսրայելցիների և կատարցիների հանդիպումների արդյունքում:
NBC-ի փոխանցմամբ էլ՝ «Ուշ գիշեր Սեթ Մեյերսի հետ» հաղորդման ժամանակ Բայդենը հայտնել է, որ «իսրայելցիների հետ պայմանավորվածություն է ձեռք բերվել, որ նրանք Ռամադանի ընթացքում գործողություններ չեն իրականացնելու», որպեսզի «մեզ ժամանակ տան բոլոր պատանդներին դուրս բերելու համար»:
