16.02.2026 | 17:26
ՀՀ ԱԺ ընտրություններին ընտրական իրավունք ունի 2 միլիոն 489 հազար 31 քաղաքացի․ Միգրացիայի և քաղաքացիության ծառայություն
«Հիմնական պատճառը «ոսկու տենդն» է». տնտեսական ակտիվության ցուցանիշը աճել է նախորդ հունվարի համեմատ
Տնտեսություն
26.02.2024 | 14:04
2024 թ-ի հունվարին տնտեսական ակտիվության ցուցանիշը (ՏԱՑ) նախորդ տարվա հունվարի համեմատ աճել է 10.7%-ով։ Ըստ Վիճակագրական կոմիտեի՝ արդյունաբերական արտադրանքի ծավալի աճը 21% է, շինարարության աճը՝ 9․5%, առևտրաշրջանառության աճը՝ 19․3%, ծառայությունները՝ 4․4%։ Գնաճի փոխարեն արձանագրվել է գնանկում՝ 0․9%-ով։
Ուշագրավ է արտաքին առևտրաշրջանառության աճը՝ 78․8%, որտեղ արտահանումն աճել է 2․1 անգամ, իսկ ներմուծումը՝ 61․4%-ով։
Արտահանման նման շեշտակի աճն այն պարագայում, երբ արդյունաբերությունը շատ ավելի համեստ աճ է գրանցել և, հաշվի առնելով վերջին ամիսների միտումները, տնտեսագետները բնականոն չեն համարում։
«Հիմնական պատճառը «ոսկու տենդն» է, այսինքն reverse re-export-ը, որ ոչ միայն արտահանման պատկերն է աղճատում, այլև արդեն արդյունաբերության։ Սա վիճակագրական կազուս է, որը պետք է պատշաճ լուծվի»,- Factor.am-ի հետ զրույցում նշեց ACSES վերլուծական կենտրոնի ղեկավար, տնտեսագետ Հայկազ Ֆանյանը։
Այլապես, ըստ նրա, ՏԱՑ-ը որպես ՀՆԱ-ի proxy իր իմաստը կորցնում է։
Գայանե Խաչատրյան
