Քաղաքականություն
26.02.2024 | 21:17
Գերմանիան Հնդկաստանի հետ քննարկում է Ուկրաինայի համար «մի քանի հարյուր հազար» հրետանային արկ գնելու հարցը։ Այս մասին հայտնում է գերմանական Spiegel-ը՝ հղում անելով աղբյուրներին, փոխանցում է BBC-ի ռուսական ծառայությունը։
Բանակցությունները, ըստ լրատվամիջոցի, գաղտնի են ընթանում՝ միջնորդների միջոցով, քանի որ Հնդկաստանի իշխանությունները չեն ցանկանում փչացնել հարաբերությունները Մոսկվայի հետ։
Spiegel-ը նշում է, որ Ուկրաինայի ԶՈՒ-ի շահերից բխող նման գործարքներ կարող են կնքվել նաև արաբական պետությունների հետ, որոնք ունեն արկերի մեծ պաշար։ Գերմանիայի հատուկ ծառայությունները մտավախություն ունեն, որ Ուկրաինայի ԶՈՒ-ն պաշարները կսպառի մինչ հունիս։
Ուկրաինայի պաշտպանության նախարար Ռուստեմ Ումերովն անցյալ շաբաթ ասել էր նաև արևմտյան զենքի և զինամթերքի մատակարարման ձգձգման մասին։
Գերմանիայի պաշտպանության նախարարության խոսնակ Քրիստիան Ֆրոյդինգը հայտարարել է, որ այս տարի կառավարությունը 7 միլիարդ եվրո կհատկացնի Ուկրաինային զենք գնելու համար՝ նշելով, որ «փողի պակաս չկա»։
