13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Արփա գետից զանգվածաբար ոչնչացման եղանակով ձուկ են որսացել․ Եղեգնաձորի երկու բնակիչ ձերբակալվել է
Հասարակություն
26.02.2024 | 14:16
Փետրվարի 24-ին ՆԳՆ ոստիկանության Եղեգնաձորի բաժնի քրեական հետախույզները ձեռնարկված օպերատիվ-հետախուզական միջոցառումների արդյունքում հավաստի տեղեկություններ էին ստացել, որ Եղեգնաձոր քաղաքի բնակիչ 45 և 47 տարեկան երկու տղամարդ Արփա գետի՝ Ագարակաձոր բնակավայրի կամրջի հարակից ափին, զանգվածաբար ոչնչացման եղանակով, ձուկ են որսում․ տեղեկացնում են ՆԳՆ ոստիկանությունից։
Ստացված տեղեկություններն իրացնելով՝ քրեական հետախույզները նշված վայրում նրանց հայտնաբերել, հիմնավոր կասկածի առկայության հիմքով ձերբակալել և տեղափոխել են բաժին։ Դեպքի վայրում գտնվող նրանցից մեկի «ՎԱԶ-2121»-ում եղել են ձկնորսական ցանցեր, էլեկտրական սարք, էլեկտրական եղանակով որսացած ձկները և ռետինե ձկնորսական հագուստներ:
Եղեգնաձորի երկու բնակիչն էլ ձերբակալվել և կազմված փաստաթղթերի հետ ներկայացվել են Վայոց ձորի մարզային քննչական վարչություն:
