15.01.2026 | 14:46
Բաքվում գտնվելու մասին ոչինչ չի պատմել, մենք էլ չենք հարցրել. Վագիֆ Խաչատրյանի դուստր
Ուկրաինական Ռադան զորակոչիկների զորացրման մասին օրենք է ընդունել
Քաղաքականություն
23.02.2024 | 18:11
Ուկրաինայի Գերագույն Ռադան օրենք է ընդունել զորակոչիկների զորացրման մասին։ Դրա օգտին քվեարկել է 317 խորհրդարանական, ասել է պատգամավոր Յարոսլավ Ժելեզնյակը, գրում է Current Time-ը։
Փաստաթուղթը նախատեսում է այն զորակոչիկներին պահեստազոր տեղափոխում, որոնց ծառայության ժամկետն ավարտվել է ռազմական դրության ժամանակ, իսկ զինծառայությունը երկարաձգվել է սահմանված ժամկետներից ավելի։
Ազգային անվտանգության և պաշտպանության խորհրդարանական հանձնաժողովը նախկինում օրենքում դրույթ էր ներառել, ըստ որի՝ զորացրված ժամկետային զինծառայողներն առաջիկա 12 ամիսների ընթացքում չեն կարող մոբիլիզացվել։
Ուկրաինայի Ազգային անվտանգության և պաշտպանության խորհրդի քարտուղար Ալեքսեյ Դանիլովն ավելի վաղ հայտնել էր, որ այն զորակոչիկները, որոնց ծառայությունն ավարտվել է, բայց ցանկանում են մնալ, կարող են պայմանագիր կնքել և շարունակել ծառայությունը։ Մնացած բոլոր ժամկետային զինծառայողները կտեղափոխվեն պահեստազոր։
