15.09.2026 | 16:00
Ֆաշիստական ելույթ ունեցաք, դուք երիտբոլշևիկներ եք․ Վարդանյանը՝ Եղոյանին․ ՏԵՍԱՆՅՈՒԹ
ԵՄ-ն հաստատել է Ռուսաստանի դեմ պատժամիջոցների 13-րդ փաթեթը
Քաղաքականություն
23.02.2024 | 14:38
ԵՄ-ն հայտարարություն է տարածել՝ հայտնելով, որ պաշտոնապես ընդունվել է ՌԴ-ի դեմ պատժամիջոցների 13-րդ փաթեթը 106 ֆիզիկական ու 88 իրավաբանական անձանց նկատկամբ։ Այսպիսով, պատժամիջոցների տակ կհայտնվի շուրջ 2000 անհատ և ձեռնարկություն, գրում է BBC-ի ռուսական ծառայությունը։
Հայտարարության մեջ ասվում է, որ այսօր համաձայնեցված ցուցակներն ուղղված են նախ և առաջ ռազմական ու պաշտպանական հատվածի և «նրանց հետ կապված անձանց դեմ, այդ թվում՝ այն մարդկանց, ովքեր մասնակցում են ԿԺԴՀ-ից ՌԴ զենքի մատակարարումներին»։
Պատժամիջոցները կվերաբերեն նաև դատական իշխանությունների ներկայացուցիչներին, քաղաքական գործիչներին ու այն մարդկանց, ովքեր պատասխանատու են ուկրաինացի երեխաների ապօրինի դեպորտացիայի համար, նաև երրորդ երկրներից՝ Հնդկաստանից, Շրի Լանկայից, Չինաստանից, Սերբիայից, Ղազախստանից, Թաիլանդից և Թուրքիայից իրավաբանական անձանց, որոնք ներգրավված են առևտրի սահմանափակումները շրջանցելու մեջ:
