15.09.2026 | 18:30
«Դաշնակցական բոլշևիզմ»-ից մինչև «ՀՀՇ-ի ծիլեր». գաղափարախոսական պարադոքս՝ ԱԺ-ում. ՏԵՍԱՆՅՈՒԹ
Բրազիլիայում հրաժարվել են լիցքավորել Սերգեյ Լավրովի ինքնաթիռը
Քաղաքականություն
23.02.2024 | 13:47
Բրազիլիայում հրաժարվել են լիցքավորել ՌԴ ԱԳ նախարար Սերգեյ Լավրովի ինքնաթիռը՝ ԱՄՆ երկրորդական պատժամիջոցների տակ ընկնելու վտանգի պատճառով: Այս մասին հայտնում է DW-ի ռուսական ծառայությունը՝ հղում կատարելով Aero Telegraph պորտալին։
Ըստ աղբյուրի՝ Լավրովը պետք է կառավարական ԻԼ-96 ինքնաթիռով Ռիո դե Ժանեյրոյում G20 գագաթնաժողովից մեկներ Բրազիլիայի նախագահ Լուլա դա Սիլվայի հետ հանդիպման։ Այն բանից հետո, երբ հրաժարվել են լիցքավորել Լավրովի ինքնաթիռը, բրազիլական կողմը ռուս նախարարին հրավիրել է Բրազիլիայի արտգործնախարար Մաուրո Վիեյրայի ինքնաթիռով որպես ուղևոր թռչել նախագահի հետ հանդիպման:
Ըստ Aero Telegraph-ի՝ կողմերը, այնուամենայնիվ, պայմանավորվել են, որ նախագահի հետ զրույցից հետո Սերգեյ Լավրովը կհեռանա ռուսական կառավարական Իլ-96 ինքնաթիռոով, որը կվերալիցքավորվի այլ վայրում:
Ավելի ուշ ՌԴ ԱԳՆ պաշտոնական ներկայացուցիչ Մարիա Զախարովան ասել է, որ նախարարի ինքնաթիռը պատրաստ է թռիչքի, վառելիքը լիցքավորվել է։
«Ինքնաթիռը լիցքավորվել է, բրազիլական կողմն իրականացրել է նյութատեխնիկական ապահովումը»,- նշել է Զախարովան։
