22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Բայդենը հանդիպել է Նավալնիի այրուն․ պատժամիջոցներ կկիրառվեն անձամբ Պուտինի դեմ
Քաղաքականություն
23.02.2024 | 10:59
ԱՄՆ նախագահ Ջո Բայդենը հինգշաբթի հանդիպել է ընդդիմադիր գործիչ Ալեքսեյ Նավալնիի այրու և դստեր հետ։ Այս մասին CNN-ի փոխանցմամբ հայտնել է Սպիտակ տունը։ Նշվում է, որ ԱՄՆ նախագահը պատրաստվում է լրացուցիչ պատժամիջոցներ կիրառել Ռուսաստանի դեմ:
Հանդիպումից հետո Բայդենը հայտարարել է, որ պատժամիջոցներ կկիրառվեն անձամբ ՌԴ նախագահ Վլադիմիր Պուտինի դեմ։
«Ես պատիվ եմ ունեցել հանդիպելու նրա կնոջ և դստեր հետ, և, ակնհայտ է, որ նա անհավանական խիզախ մարդ էր», – Նավալնիի մասին կարծիք է հայտնել Բայդենը լրագրողների հետ զրույցում: «Մենք վաղը կհայտարարենք Պուտինի դեմ պատժամիջոցների մասին, որը պատասխանատու է նրա մահվան համար»։ Բայդենն ասել է, որ իրենց հանդիպումից պարզ է դարձել, որ Նավալնիի կինը «կշարունակի պայքարել»։ «Մենք չենք հանձնվում», – ասել է նա:
Հանդիպումը տեղի է ունեցել Կալիֆորնիայում, որտեղ Բայդենը այցելել էր նախընտրական դրամահավաքի շրջանակում։ Դաշա Նավալնայան՝ Նավալնիի դուստրը, Սթենֆորդի համալսարանի ուսանող է։
Հիշեցնենք, որ ՌԴ կալանավայրերից մեկում ռուս ընդդիմադիր գործիչ Ալեքսեյ Նավալնիի մահվան մասին ՌԴ իշխանությունները հայտնել են փետրվարի 16-ին։
