17.02.2026 | 16:12
Մակրոնը Հնդկաստան այցի ժամանակ նախատեսում է Rafale կործանիչների խոշոր գործարք կնքել
Արմեն Գրիգորյանն ու Լիտվայի ԱԳ փոխնախարարը քննարկել են հարցերի օրակարգ, որը ներառում է նաև համագործակցությունը ԵՄ շրջանակներում
Քաղաքականություն
22.02.2024 | 18:04
Փետրվարի 22-ին հանդիպել եմ Լիտվայի Արտաքին գործերի փոխնախարար Յոնաս Սուրվիլայի գլխավորած պատվիրակության հետ․ ֆեյսբուքի իր էջում գրել է ՀՀ ԱԽ քարտուղար Արմեն Գրիգորյանը։
«Ողջունելով պատվիրակության այցը Հայաստան՝ ընդգծել եմ, որ երկու երկրների հարաբերություններն ինտենսիվորեն զարգանում են՝ ներառելով համագործակցության նոր ոլորտներ:
Քննարկել ենք ինչպես երկկողմ, այնպես էլ բազմակողմ համագործակցությանն առնչվող հարցերի օրակարգը, որը ներառում է նաև համագործակցությունը Եվրոպական միության շրջանակներում։
Վերոնշյալի համատեքստում կարևորել եմ Լիտվայի կողմից ցուցաբերվող աջակցությունը Հայաստանում տեղակայված ԵՄ քաղաքացիական դիտորդական առաքելությանը: Բարձր գնահատելով երկկողմ հարաբերությունների զարգացման դինամիկան՝ պատրաստակամություն ենք հայտնել շարունակելու գործադրել բոլոր ջանքերը երկկողմ համագործակցության առկա ներուժը լիարժեք իրացնելու ուղղությամբ»,- գրել է Գրիգորյանը։
