14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
ՌԴ մեկ հարվածը որբացրել է մի ամբողջ ուկրաինական գյուղի երեխաների
Քաղաքականություն
22.02.2024 | 21:05
Պատանի Դիման միանգամից կորցրել է հորը, մորը, հորական տատիկին ու պապիկին. նրանք զոհվել են Ուկրաինայի հյուսիս-արևելքում գտնվող Գրոզա գյուղի վրա ռուսական հրթիռակոծության ժամանակ:
«Ես դեռ չեմ կարող լիովին հասկանալ, թե ինչ է տեղի ունեցել։ Դե, հիմա ես եմ տան պատասխանատուն»,- ասել է 16-ամյա Դիման BBC-ին տված հարցազրույցում:
«Ամենաշատը փոքր քրոջս եմ խղճում,- հավելել է պատանին։- Մինչ այս ամենը տեղի ունենալը նա չէր սիրում, երբ ես գրկում էի իրեն, բայց հիմա անընդհատ ուզում է գրկել ինձ»:
2023 թվականի հոկտեմբերի 5-ին Գրոզա գյուղի սրճարանի վրա հրթիռ է ընկել, ինչի հետևանքով զոհվել է 59 մարդ։ Ուկրաինական բանակի կամավոր զինծառայող Անդրեյ Կոզիրի հոգեհանգստի արարողությունն է եղել, որին ներկա է գտնվել գյուղում ապրող յուրաքանչյուր ընտանիքից առնվազն մեկ հոգի։ Արդյունքում մահացել է Գրոզայի յուրաքանչյուր հինգերորդ բնակիչը, այդ թվում՝ բազմաթիվ ծնողներ, ուստի այժմ Գրոզան կոչվում է որբերի գյուղ։
Այս հրթիռային հարվածը 2022 թվականի փետրվարի 24-ին ռուսական լայնամասշտաբ ներխուժման մեկնարկից ի վեր քաղաքացիական բնակչության շրջանում ամենամահացուն էր վերջին երկու տարվա ընթացքում։
Ռուսաստանն ուղղակիորեն չի մեկնաբանել հրթիռակոծությունը, պետական լրատվամիջոցները միայն նշել են, որ հարվածները հասցվել են բացառապես տարածաշրջանի ռազմական օբյեկտներին։
Ուկրաինան պնդում է, որ այնտեղ ռազմական օբյեկտներ չեն եղել, և դա հաստատվել է ՄԱԿ-ի զեկույցում, որտեղ ասվում է, որ «զինվորական անձնակազմի կամ այլ օրինական ռազմական թիրախների առկայության նշաններ չեն եղել»։
