28.04.2026 | 10:46
Հայաստանը 2026-ի աշնանից կունենա նոր կենսաչափական անձնագրեր և նույնականացման քարտեր
«Քաղաքացիական պայմանագիր» կուսակցությունը համագործակցություն է սկսում Հնդկաստանի ժողովրդական իշխող կուսակցության հետ
Քաղաքականություն
22.02.2024 | 15:13
«Քաղաքացիական պայմանագիր» կուսակցությունն սկսում է համագործակցություն Հնդկաստանի ժողովրդական իշխող կուսակցության հետ (Bharatiya Janata Party, BJP)․ այս մասին տեղեկանում ենք ՀՀ աշխատանքի և սոցիալական հարցերի նախարար Նարեկ Մկրտչյանի ֆեյսբուքյան գրառումից։
« Որպես Քաղաքացիական պայմանագիր կուսակցության արտաքին կապերի պատասխանատու Նյու Դելիում հանդիպում եմ ունեցել Հնդկաստանի ժողովրդական կուսակցության արտաքին կապերի դեպարտամենտի ղեկավար Վիջայ Չաթայվալեի հետ: Պարոն Չաթայվալեի հետ զրույցում խոսել եմ ժողովրդավարական արժեքների հաստատման ուղղությամբ «Քաղաքացիական պայմանագիր» կուսակցության տեսլականի մասին և ընդգծել այս ուղղությամբ համատեղ աշխատանքների իրականացման դերը։
Գործընկերս ևս շեշտել է միջկուսակցական համագործակցության կարևորությունը և նշել, որ Հնդկաստանի ժողովրդական կուսակցությունը դիտարկում է Հնդկաստանում կայանալիք համապետական ընտրություններում «Քաղաքացիական պայմանագիր» կուսակցությանը դիտորդական առաքելությամբ ներգրավելու հնարավորությունը։
Պայմանավորվածություն ենք ձեռք բերել շարունակել անհրաժեշտ քայլեր իրականացնել կուսակցությունների միջև համագործակցության զարգացման ուղղությամբ»,- գրել է նախարարը։
