15.09.2026 | 14:53
Եվրոպական խորհրդարանն ընդունեց ՀՀ-ին արտահանման արտոնություններ տալու նախագիծը
Ահաբեկչություն Երուսաղեմի մոտակայքում
Քաղաքականություն
22.02.2024 | 15:59
Այսօր առավոտյան դեպի Երուսաղեմ տանող մայրուղու վրա ահաբեկչություն է տեղի ունեցել։ Զոհվել է մեկ մարդ, ևս 8-ը՝ վիրավորվել, հայտնում է newsru.co.il-ը։
«Ավտոմեքենայով ժամանած 3 ահաբեկիչները դուրս են եկել և սկսել են կրակել մեքենաների վրա, որոնք Երուսաղեմի ուղղությամբ 1-ին մայրուղու վրա խցանման մեջ կանգնած են եղել»,- ասվում է տարածված հաղորդագրության մեջ։
Ահաբեկիչներից երկուսը տեղում գնդակահարվել են, կարճ ժամանակ անց հայտնաբերվել ու սպանվել է նաև 3-րդը։
«Ահաբեկիչները զինված են եղել երկու M-16 ինքնաձիգով, «Կարլ Գուստավ» ավտոմատով և մեկ այլ ատրճանակով, նրանցից մեկի ձեռքում եղել է նաև գազային նռնակ»,- նշվում է հաղորդագրությունում։
Լրագրողների տեղեկություններով՝ ահաբեկչության արդյունքում 20-ամյա երիտասարդ է զոհվել, ութ մարդ վիրավորվել է, իսկ 23-ամյա հղի կինը ծանր վիճակում է։
