15.09.2026 | 19:21
Դատավոր Սամվել Թադևոսյանը կրկին հրաժարականի դիմում է ներկայացրել. ԲԴԽ-ն դադարեցրել է նրա լիազորությունները
Կա՛մ ՌԴ-ի հետ ընդհանուր պետություն, կա՛մ անվերջ պատերազմ․ Մեդվեդևը՝ Ուկրաինային
Քաղաքականություն
22.02.2024 | 14:23
ՌԴ Անվտանգության խորհրդի փոխնախագահ Դմիտրի Մեդվեդևը հայտարարել է, որ Ուկրաինան պետք է ընտրի «կա՛մ ՌԴ-ի հետ ընդհանուր պետության, կա՛մ անվերջ պատերազմի միջև», գրում է ՌԻԱ Նովոստին։
«Ես բազմիցս ասել եմ, որ ներկայիս ուկրաինական պետությունը վտանգավոր է հենց ուկրաինացիների համար, և նրանց համար ընտրությունն այսպիսի տեսք ունի՝ ընդհանուր պետություն կամ անվերջ պատերազմ։ Նրանք պետք է այս ընտրությունը կատարեն իրենց համար»,- ասել է Մեդվեդևը։
Ըստ նրա՝ «Ուկրաինայի ապագան բարդ քաղաքական գործընթաց է, այդ հողերում բնակվող մարդիկ պետք է իրենց խոսքն ասեն», ասել է Մեդվեդևը՝ հայտարարելով, թե չի կարող Ուկրաինան երկիր անվանել։
«Ի՞նչ կմնա այդ տարածքային միավորումից, ես հիմա չեմ կարող այն երկիր անվանել, չգիտեմ, միգուցե, Լեմբերգի շրջանը՝ Լեմբերգ կենտրոնով, կամ այլ շրջաններ։ Բայց սա բարդ գործընթաց է ոչ միայն ռազմական, այլև քաղաքական առումով։ Եվ ոչ միայն զինված ուժերը, ոչ միայն զորքերը, այլև մարդիկ, ովքեր ապրում են այս հողերում, պետք է խաղան կամ իրենց կարծիքն արտահայտեն այս գործընթացում»,- ասել է Մեդվեդևը։
