10.05.2024 | 01:47
Որքան մարդ է մասնակցել հանրահավաքին. ԻՔՄ-ի հաշվարկը
Ֆրանսիայի պաշտպանության նախարարը Հայաստան կժամանի
Քաղաքականություն
22.02.2024 | 12:20
Հայաստան կժամանի Ֆրանսիայի պաշտպանության նախարար Սեբաստիան Լըկորնյուն։ Այս մասին նա հայտնել է RTL ռադիոկայանին տված հարցազրույցում։
«Սա պատմության մեջ առաջին դեպքն է, երբ Ֆրանսիայի պաշտպանության և զինված ուժերի նախարարը Հայաստան է մեկնում»,- ընդգծել է նա:
«Հայաստանը կանգնած է անվտանգության լուրջ մարտահրավերների առաջ՝ կապված Ադրբեջանի սպառնալիքների հետ։ Մեր պարտքն է՝ մեծացնել Հայաստանի պաշտպանական ներուժը»,- հավելել է Սեբաստիան Լըկորնյուն։
Le Figaro-ի փոխանցմամբ՝ պաշտոնյայի գրասենյակն ընդգծել է, որ Ֆրանսիան և Հայաստանը պատմական բարեկամական հարաբերություններ ունեն, սակայն պաշտպանական ոլորտում փոխգործակցությունը երկկողմ հարաբերությունների ինտենսիվության մակարդակի չի եղել։
Հիշեցնենք՝ 2023 թվականի հոկտեմբերին ՀՀ պաշտպանության նախարար Սուրեն Պապիկյանի՝ Ֆրանսիա կատարած այցի ընթացքում Հայաստանն ու Ֆրանսիան պաշտպանության ոլորտում համագործակցության մասին փաստաթղթեր են ստորագրել։
