15.09.2026 | 14:53
Եվրոպական խորհրդարանն ընդունեց ՀՀ-ին արտահանման արտոնություններ տալու նախագիծը
Նավալնիի մայրը Պուտինին ուղղված տեսաուղերձ է հրապարակել
Քաղաքականություն
20.02.2024 | 18:09
Բանտում մահացած ռուս ընդդիիմադիր գործիչ Ալեքսեյ Նավալնինի մայրը՝ Լյուդմիլա Նավալնայան պահանջել է որդու մարմինն անհապաղ վերադարձնել իրեն, որպեսզի կարողանա հուղարկավորել։ Նավալնիի մայրը տեսաուղերձ է ձայնագրել Խարպ գյուղի գաղութի դիմացից, որտեղ մահացել է նրա որդին, գրում է BBC-ի ռուսական ծառայությունը:
«Արդեն հինգերորդ օրն է՝ չեմ կարողանում տեսնել նրան, ինձ չեն տալիս նրա մարմինը և նույնիսկ չեն ասում, թե որտեղ է նա»,- ասել է Նավալնայան։- Ես դիմում եմ քեզ, Վլադիմիր Պուտին, հարցի լուծումը միայն քեզանից է կախված։ Թող վերջապես տեսնեմ որդուս։ Ես պահանջում եմ, որ Ալեքսեյի մարմինը անհապաղ հանձնեն, որպեսզի հուղարկավորեմ նրան»։
Ալեքսեյ Նավալնիի մահվան մասին հայտարարվեց փետրվարի 16-ին։ Շաբաթ առավոտյան քաղաքական գործչի մայրը ժամանել է Յամալ-Նենեցկի ինքնավար օկրուգի Խարպ գյուղ, որը գտնվում է Արկտիկական շրջանից այն կողմ: Նրան դիահերձարան չեն թողել ո՛չ շաբաթ, ո՛չ երկուշաբթի:
«Քննիչները Ալեքսեյի փաստաբաններին և մորն ասել են, որ չեն հանձնի դիակը։ Եվս 14 օր քիմիական փորձաքննություն կիրականացվի»,- նշել էին Նավալնիի գործընկերները։
