22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
Ադրբեջանն օգնության հերթական խմբաքանակն է ուղարկել Ուկրաինա
Քաղաքականություն
20.02.2024 | 19:31
Ադրբեջանի նախագահ Իլհամ Ալիևի հրամանագրի համաձայն այսօր Սումգայիթի տեխնոլոգիական պարկից էլեկտրասարքավորումների խմբաքանակ է ուղարկվել Ուկրաինա որպես մարդասիրական օգնություն։
Ինչպես հաղորդում է APA-Economics-ը, Ադրբեջանի էներգետիկայի նախարարության տրամադրած մարդասիրական բեռը ներառում է շուրջ 670 հազար մետր էլեկտրական մալուխ, 26 տրանսֆորմատոր և տրանսֆորմատորային ենթակայանների հավաքածուներ։
«25 բեռնատարներից բաղկացած շարասյուն է ուղարկվում մարդասիրական բեռներով՝ աջակցելու Ուկրաինայի ներկայիս իրավիճակից տուժած շրջանների կայուն էներգամատակարարման վերականգնմանը»,- ասվում է հայտարարության մեջ։
7,6 միլիոն դոլար ընդհանուր արժողությամբ մարդասիրական օգնության նախորդ խմբաքանակներն Ուկրաինա են ուղարկվել 2023 թվականի հոկտեմբերի 30-ին, նոյեմբերի 21-ին, դեկտեմբերի 8-ին և 2024 թվականի հունվարի 11-ին:
