01.05.2026 | 12:51
ՖԻԴԵ. Հայ շախմատիստների թարմացված դիրքերը դասակարգման աղյուսակում
Բացարձակապես անհիմն մեղադրանք․ Պեսկովն արձագանքել է Նավալնիի մահվանը Պուտինի առնչության մասին Յուլիա Նավալնայայի խոսքերին
Քաղաքականություն
20.02.2024 | 16:07
Կրեմլը Յուլյա Նավալնայայի մեղադրանքներն այն մասին, որ ՌԴ նախագահ Վլադիմիր Պուտինն առնչություն ունի իր ամուսնու մահվանը, «անհիմն» է համարում։ Այս մասին լրագրողների հետ ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը, գրում է Meduza-ն։
«Իհարկե, դրանք բացարձակապես անհիմն մեղադրանքներ են ռուսական պետության ղեկավարի հասցեին»,- ասել է Պեսկովը։
Նա նշել է, որ Պուտինը չի տեսել Յուլիա Նավալնայայի ուղերձը, որում նա հայտարարել է, որ կշարունակի իր ամուսնու գործն ու ժառանգությունը:
«Բայց հաշվի առնելով, որ Յուլիա Նավալնայան բառացիորեն օրեր առաջ այրիացել է, ես դա թողնում եմ առանց մեկնաբանության»,- նշել է Կրեմլի խոսնակը։
Լրագրողները նաև խնդրել են Պեսկովին մեկնաբանել Նավալնայայի խոսքերն այն մասին, որ իշխանությունները միտումնավոր ամուսնու մարմինը չեն հանձնում հարազատներին՝ թունավոր նյութի հետքերը թաքցնելու համար։
«Անկեղծ՝ ես ծանոթ չեմ ելույթին, սակայն եթե դրանում նման խոսքեր կան, ապա կրկին ոչ այլ ինչ են, քան անհիմն մեղադրանքներ, քանի որ դրանք ոչ մի բանով չեն հաստատվում։ Այս պարագայում միայն էթիկայի նկատառումներից ելնելով չեմ կարող գնահատել այդ խոսքերը, ինչպես հարկն է»,- հայտարարել է Դմիտրի Պեսկովը։
