23.11.2024 | 19:28
Ֆուտբոլի կանանց ազգային հավաքականը սկսում է նախապատրաստվել ընկերական խաղերին
Լեոնիդ Գոզմանը ՌԴ-ում հեռակա կարգով ձերբակալվել է բանակի մասին «ֆեյքերի» գործով
Քաղաքականություն
20.02.2024 | 16:42
Մոսկվայի Գագարինյան դատարանը հեռակա ձերբակալել է քաղաքական գործիչ և հրապարակախոս Լեոնիդ Գոզմանին (Ռուսաստանում «օտարերկրյա գործակալ» է հայտարարված) «ռազմական ֆեյքերի» գործով, հայտնում է Մոսկվայի դատարանների մամուլի ծառայությունը Telegram-ում, գրում է BBC-ի ռուսական ծառայությունը։
Սա սպասելի որոշում էր. անցած շաբաթ Mediazona-ն հայտնել էր, որ հետաքննությունը պահանջում է հեռակա ձերբակալել Գոզմանին։
Ի սկզբանե կալանքի մասին որոշումը պետք է կայացվեր փետրվարի 14-ին, սակայն նիստը հետաձգվել է մինչև փետրվարի 20-ը՝ «լրացուցիչ փաստաթղթեր տրամադրելու համար», հայտնել են դատարանի մամուլի ծառայությունից։
Անցյալ տարեվերջին ՏԱՍՍ-ի աղբյուրը հայտնել էր, որ Գոզմանի դեմ «կեղծ լուրերի» գործ է հարուցվել Facebook-ում և Telegram-ում նրա հրապարակումների պատճառով։ Գործակալության զրուցակիցն ասել է, որ այդ գրառումները «խեղաթյուրված հայտարարություններ են Ռուսաստանի Դաշնության և Ռուսաստանի զինված ուժերի ղեկավարության վերաբերյալ հատուկ ռազմական գործողության ժամանակ» (ինչպես Ռուսաստանի իշխանություններն անվանում են Ուկրաինայի դեմ պատերազմը):
