12.12.2024 | 15:32
ԼՂ-ից բռնի տեղահանված ՄԿՈւ հաստատությունների սովորողներն ուսման վարձի փոխհատուցում կստանան
Եկատերինբուրգում ՌԴ-ի և ԱՄՆ-ի քաղաքացի է ձերբակալվել՝ Ուկրաինայի ԶՈՒ-ի համար գումար հավաքելու պատճառով
Քաղաքականություն
20.02.2024 | 17:10
Եկատերինբուրգում պետական դավաճանության մեղադրանքով ձերբակալվել է Լոս Անջելեսի 33-ամյա բնակչուհի, որն ունի Ռուսաստանի և ԱՄՆ-ի երկքաղաքացիություն, հայտնել են ԱԴԾ մամուլի ծառայությունից, փոխանցում է Meduza-ն։
Ըստ հատուկ ծառայության վարկածի՝ 2022 թվականի փետրվարից կինը գումար է հավաքել «ուկրաինական կազմակերպություններից մեկի շահերից ելնելով», որոնք այնուհետև ուղղվել են ուկրաինական Զինված ուժերի համար «մարտավարական բժշկության պարագաներ, սարքավորումներ, զենք և զինամթերք» գնելուն։
Անվտանգության դաշնային ծառայությունը պնդում է, որ կինը, գտնվելով ԱՄՆ-ում, բազմիցս մասնակցել է Ուկրաինային աջակցող ցույցերի։
Ձերբակալվածի անունը չի նշվում։ Դատարանը նրան ուղարկել է քննչական մեկուսարան։
