12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ԱՄՆ բանակն իր միջոցներից է գումար հատկացնում Ուկրաինային աջակցելու համար․ CNN
Քաղաքականություն
19.02.2024 | 19:31
Վերջին մի քանի ամիսների ընթացքում ԱՄՆ բանակը ստիպված է եղել հարյուրավոր միլիոն դոլարներ վճարել Ուկրաինայի զինված ուժերին աջակցելու համար, քանի որ Կոնգրեսում Ուկրաինային ֆինանսավորելու հեռանկարները մնում են անորոշ:
Ըստ CNN-ի՝ բանակի պաշտոնյաներն ավելի ու ավելի են անհանգստանում, որ առանց նոր ֆինանսավորման նրանք ստիպված կլինեն գումար խնայել այլ կարևոր նախագծերի համար՝ շարունակելու աջակցել Կիևին:
2023 թվականի հոկտեմբերից՝ ֆինանսական տարվա սկզբից, բանակն ավելի քան 430 միլիոն դոլար է ծախսել տարբեր գործողությունների, այդ թվում՝ ուկրաինական զորքերի պատրաստման, տեխնիկայի փոխադրման և ամերիկյան զորքերի Եվրոպա տեղափոխման համար։ Այս հաշիվները վճարել է Եվրոպայում և Աֆրիկայում ԱՄՆ հրամանատարությունը։
«Ըստ էության, մենք դա անում ենք բանակի պահեստից»,- CNN-ին ասել է բարձրաստիճան զինվորականը:
Առանց Կոնգրեսի կողմից հաստատված 2024 թվականի բյուջեի և առանց Ուկրաինայի լրացուցիչ ֆինանսավորման՝ հրամանատարությունը ունի մոտ 3 միլիարդ դոլար՝ վճարելու օպերատիվ ծախսերը, որոնք կազմում են 5 միլիարդ դոլար, բացատրել է մեկ այլ բարձրաստիճան զինվորական: Սա ներառում է Կիևի աջակցության հետ կապված գործողություններ՝ ուսուցում և զենքի և տեխնիկայի փոխանցում Լեհաստանին և Ուկրաինային, ինչպես նաև ամերիկյան հրամանատարության այլ գործողություններ ամբողջ Եվրոպայում և Աֆրիկայում:
Եթե Կոնգրեսը մի քանի ամիսների ընթացքում չընդունի Ուկրաինայի ֆինանսավորման նոր օրինագիծը, ԱՄՆ զինվորականները պետք է կոշտ որոշումներ կայացնեն և հրաժարվեն ոչ այնքան կարևոր նախագծերից, ինչպիսիք են զորանոցների կառուցումը կամ զորակոչի ավելացումը, ասել են Պենտագոնի պաշտոնյաները:
