12.08.2026 | 11:06
Մեկնարկել են Բաղրամյանի հրշեջ-փրկարարական ջոկատի նոր վարչական շենքի շինաշխատանքները․ ՆԳ նախարարը հետևել է ընթացքին
Բորելը հայտարարել է, որ ԵՄ-ն Նավալնիի անունով է կոչելու մարդու իրավունքների խախտման համար պատժամիջոցներ ռեժիմը
Քաղաքականություն
19.02.2024 | 16:11
Եվրոպական դիվանագիտության ղեկավար Ժոզեպ Բորելը ԵՄ արտաքին գործերի խորհրդի նիստին ժամանելիս հայտարարել է, որ մտադիր է մարդու իրավունքների խախտման համար պատժամիջոցների ռեժիմը վերանվանել Կրեմլի քննադատ Ալեքսեյ Նավալնիի անունով, գրում է Европейская правда-ն։
Նա հայտնել է, որ հանդիպմանը խոսվելու է այն մասին, թե ինչպես Նավալնիի մահից հետո քաղաքական աջակցության ազդանշան ուղարկել ռուսական ընդդիմությանը։
«Մենք պետք է ռուսական ընդդիմությանն աջակցության ազդանշան ուղարկենք։ Միաժամանակ, սակայն, չպետք է մոռանանք պատերազմի ընթացքի մասին, չի երևում, որ Պուտինը պատրաստ է այն դադարեցնել։ Նավալնիի հիշատակը հարգելու համար ես նախարարներին կառաջարկեմ, որ մարդու իրավունքների խախտումների պատժամիջոցների մեր ռեժիմը վերանվանենք ի պատիվ նրա՝ այն անվանելով «Նավալնիի անվան մարդու իրավունքների պատժամիջոցների ռեժիմ»»,- ասել է Բորելը։
Նրա խոսքով՝ Նավալնիի անունն այդպիսով ընդմիշտ կասոցացվի մարդու իրավունքների պաշտպանության ԵՄ աշխատանքի հետ։
Լիտվայի արտաքին գործերի նախարար Գաբրիելիուս Լանդսբերգիսն էլ հայտարարել է, որ ԵՄ-ն պետք է քննարկի Ռուսաստանի դեմ նոր պատժամիջոցների հարցը՝ կապված ընդդիմության առաջնորդ Ալեքսեյ Նավալնիի մահվան հետ։
Հաղորդվում է, որ Նավալնիի կինը՝ Յուլիա Նավալնայան, մասնակցելու է ԵՄ անդամ երկրների արտգործնախարարների հանդիպմանը։
