12.08.2026 | 11:59
Արման Եղոյանի ճեպազրույցը. ՈՒՂԻՂ
Կիևը հինգ ամիս պատրաստվել է` հետ մղելու ռուսական ագրեսիան․ Ուկրաինայի ցամաքային զորքերի հրամանատար
Քաղաքականություն
19.02.2024 | 14:46
2021 թվականի աշնանից ի վեր ըմբռնում կար, որ պատերազմը լինելու է լայնամասշտաբ, բոլոր նշանները կային, որ հակառակորդը հարձակման է անցնելու ոչ միայն Դոնեցկից և Լուգանսկից, այլև Ռուսաստանի տարածքից։ Այս մասին ուկրաինական լրատվամիջոցներին ասել է Ուկրաինայի զինված ուժերի ցամաքային զորքերի հրամանատար Ալեքսանդր Պավլյուկը, փոխանցում է BBC-ի ռուսական ծառայությունը։
Ըստ նրա, սակայն, ռազմական գործողությունների մասշտաբները դժվար է որոշել։
«Աշնանից մենք սկսել ենք որոշակի գործողություններ իրականացնել հակառակորդին հաջողությամբ դիմավորելու և առավելագույն պարտություն հասցնելու համար։ Հասկանալով, որ ուժերի և միջոցների հարաբերակցությունը մեր օգտին չէ և չի լինելու, մենք տարբերակներ չունեինք՝ պետք է դիմանայինք»,- նշել է նա։
Պավլյուկն ասել է, որ փետրվարին ուկրաինական զինված ուժերը հնարավորինս ուժեղացրել են իրենց դիրքերը և տեղաշարժել բոլոր ռեզերվները։
«Դրա համար էլ առաջին օրը, երբ հարված հասցվեց բոլոր հրամանատարական կենտրոններին, կառավարման կետերին ու վայրերին, որտեղ պետք է լիներ ուկրաիանական զորքերի ու պահեստների կուտակում, դրանք գնացին դատարկ թիրախներին»,- նշել է ուկրաինացի գեներալը։
