12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Իսրայելը դեմ է Պաղեստին պետության միակողմանի ճանաչմանը
Քաղաքականություն
18.02.2024 | 18:55
«Խաղաղ կարգավորումը հնարավոր է միայն երկու կողմերի միջև ուղիղ բանակցությունների միջոցով՝ առանց որևէ նախապայմանի»,- ասվում է փետրվարի 18-ին Երուսաղեմում նախարարների կաբինետի կողմից միաձայն ընդունված հռչակագրում․ փոխանցում է DW-ն։
Իսրայելի կառավարությունը հայտարարել է, որ մերժում է պաղեստինյան պետության միակողմանի ճանաչումը և չի ընդունում դրսից թելադրանքները մերձավորարևելյան հակամարտության խաղաղ կարգավորման վերաբերյալ։
«Հոկտեմբերի 7-ի արյունալի ջարդից հետո նման ճանաչումը հսկայական գին կլինի աննախադեպ ահաբեկչության համար և կկանխի ցանկացած ապագա խաղաղ կարգավորում»,- նշվում է հայտարարությունում։
Քվեարկությունից առաջ Իսրայելի վարչապետ Բենիամին Նեթանյահուն, վկայակոչելով ԶԼՄ-ների հաղորդագրությունները, ասել է, որ Միացյալ Նահանգները և մյուս դաշնակիցները կարող են ճանաչել պաղեստինյան պետությունն առանց Իսրայելի համաձայնության։
