12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Պուտինն է պատասխանատու Նավալնիի մահվան համար․ Բայդեն. ՏԵՍԱՆՅՈՒԹ
Քաղաքականություն
16.02.2024 | 21:51
ԱՄՆ նախագահ Ջո Բայդենը ուղերձով է հանդես եկել ռուս ընդդիմադիր քաղաքական գործիչ Ալեքսեյ Նավալնիի մահվան կապակցությամբ։
ԱՄՆ նախագահը ասել է, որ նույնիսկ բանտում Նավալնին շարունակել է ճշմարտությունն ասել։
«Չսխալվեք: Պուտինն է պատասխանատու Նավալնիի մահվան համար։ Պուտինն է պատասխանատվություն կրում։ Այն, ինչ տեղի ունեցավ Նավալնիի հետ, Պուտինի դաժանության ևս մեկ ապացույց է»,- հայտարարել է Բայդենը։
Վերջինս նշել է, որ Պուտինը «պատրաստ է սպանել ոչ միայն այլ երկրների քաղաքացիների, այլ նաև իր երկրի քաղաքացիներին»։
Բայդենը նաև հավելել է, որ այժմ ժամանակն է, որ ամերիկացի քաղաքական գործիչները կարևոր որոշում կայացնեն և շարունակեն օգնել Ուկրաինային, որը շարունակում է դիմակայել Ռուսաստանին։
Այն հարցին, թե արդյոք ի պատասխան Նավալնիի մահվան կլինեն նոր պատժամիջոցներ, ԱՄՆ նախագահը պատասխանել է. «Մենք տարբեր հնարավորություններ ենք դիտարկում»:
Մանրամասները՝ տեսանյութում:
