Թուրքական ընկերությունը ԱՄՆ պատժամիջոցների է ենթարկվել Իրանին ամերիկյան տեխնոլոգիաներ փոխանցելու համար

ԱՄՆ Ֆինանսների նախարարության արտաքին ակտիվների վերահսկման գրասենյակը (OFAC) հայտարարել է թուրքական ընկերության, Իրանում և Արաբական Միացյալ Էմիրություններում երեք այլ ընկերությունների, ինչպես նաև երեք անձանց նկատմամբ պատժամիջոցների կիրառման մասին՝ Իրանին և նրա Կենտրոնական բանկին ԱՄՆ տեխնոլոգիաների ու ապրանքների փոխանցմանն աջակցելու համար, գրում է Turkish Minute-ը։

Թուրքական Ted Teknoloji Gelistirme Hizmetleri Sanayi Ticaret Anonim Sirketi (Ted) ընկերությունը, որն իրանական Informatics Services Corporation-ի (ISC) ներկայացուցիչն է երկրում և ձեռք է բերել ամերիկյան ապրանքներ ու տեխնոլոգիաներ ISC ընկերությունների հետ, հայտնվել է պատժամիջոցների տակ։ ISC-ի աշխատակից Պուրիա Միրդամադին, որը Ֆրանսիայի և Իրանի երկքաղաքացի է, ներգրավված է ընկերության գործողություններում:

Ըստ OFAC-ի՝ ISC-ն Իրանի Կենտրոնական բանկի (CBI) դուստր ընկերությունն է և հանրորեն ճանաչված է որպես CBI-ի տեխնոլոգիական թև, վերահսկում է Իրանի էլեկտրոնային բանկային մաքսազերծման ցանցը՝ Shetab-ը և փոխկապակցված է Shaparak-ի՝ Իրանի էլեկտրոնային քարտերով վճարման ցանցի հետ: ISC-ն վերջերս մշակել է Կենտրոնական բանկի թվային արժույթի հարթակը։

CBI-ը հովանավորել կամ տրամադրել է ֆինանսական, նյութական կամ տեխնոլոգիական աջակցություն, ապրանքներ կամ ծառայություններ Իսլամական հեղափոխության պահապանների կորպուսի ուժերին և «Հըզբոլլահ»-ին։

«Իրանի Կենտրոնական բանկը վճռորոշ դեր է խաղացել Իսլամական հեղափոխության պահապանների կորպուսի և «Հըզբոլլահ»-ի երկու հիմնական դերակատարներին ֆինանսական աջակցություն տրամադրելու գործում, որոնք մտադիր են հետագայում ապակայունացնել Մերձավոր Արևելքը»,- ասել է ահաբեկչության և ֆինանսական հետախուզության հարցերով ֆինանսների փոխնախարար Բրայան Նելսոնը:

Նա ասել է, որ ԱՄՆ-ը շարունակելու է օգտագործել բոլոր հասանելի միջոցները՝ խափանելու համար իր զգայուն տեխնոլոգիաները և կարևոր միջոցները ձեռք բերելու՝ «իրանական ռեժիմի անօրինական փորձերը»:

Որպես պատժամիջոցների մաս՝ ընկերությունների և անձանց սեփականություն հանդիսացող ամբողջ գույքն ու ակտիվները, որոնք գտնվում են Միացյալ Նահանգներում կամ ԱՄՆ-ի անձանց տիրապետման կամ վերահսկողության տակ են, արգելափակված են։

Էմմա Չոբանյան