15.09.2026 | 17:53
Հայտնի է՝ որ ստադիոններն են ընդունելու եվրագավաթների եզրափակիչներն առաջիկա տարիներին
Նավալնին իր կյանքով վճարեց Պուտինի ռեժիմին դիմակայելու համար․ Ֆրանսիայի ԱԳ նախարար
Քաղաքականություն
16.02.2024 | 17:03
Ֆրանսիայի արտաքին գործերի նախարար Ստեֆան Սեժուրնեն անդրադարձել է ռուս ընդդիմադիր գործիչ Ալեքսեյ Նավալնիի մահվանը՝ հայտարարելով, որ Նավալինին իր կյանքով է վճարել նախագահ Վլադիմիր Պուտինի օրոք ստեղծված ճնշումների համակարգին դիմակայելու համար։
«Ալեքսեյ Նավալնին իր կյանքով վճարեց ճնշումների համակարգի դեմ դիմադրության համար։ Նրա մահը քրեական գաղութում մեզ հիշեցնում է Վլադիմիր Պուտինի ռեժիմի իրականության մասին»,- գրել է Սեժուրնեն X-ում։
Նա նշել է, որ Ֆրանսիան ցավակցություն է հայտնում Նավալնիի ընտանիքին, սիրելիներին և ռուս ժողովրդին։
Հիշեցնենք՝ հայտնի է դարձել, որ ընդդիմադիր Ալեքսեյ Նավալնին մահացել է գաղութում։ Ըստ հրապարակված տեղեկությունների՝ զբոսանքից հետո նա իրեն վատ է զգացել՝ գրեթե անմիջապես կորցնելով գիտակցությունը։ Նշվում է, թե «ձեռնարկվել են անհրաժեշտ վերակենդանացման միջոցառումներ, սակայն նրան փրկել չի հաջողվել»։
